სიყვარულის მოთხოვნილება-ადამიანის ძირითადი მოთხოვნილებაა. თუ ბავშვს შეუძლია გასცეს და მიიღოს სიყვარული, შეიგრძნოს იგი, მაშინ ყველა მისი წამოწყება წარმატებით დაგვირგვინდება.

მოზარდობის ასაკში ჩვენი შვილები თავისი გარეგნობით და ქცევის თავისებურებით გარკვეულ ინფორმაციას გვაწოდებენ. რა იმალება ამ გამომწვევი გარეგნობის მიღმა?

იყო მოზარდი არ ნიშნავს განერიდო და განუდგე ოჯახს, გახდე მისგან დამოუკიდებელი. მოზარდი დამოუკიდებელი ხდება თანდათანობით, ეტაპობრივად და ოჯახიც ასევე თანდათანობით უნდა გადასცემდეს მას იმ პრივილეგიებს, რომლებიც ამ პროცესის ეტაპობრივ განვითარებას შეუწყობს ხელს.